Денеска, Премиерот Зоран Заев заедно со директорот на Агенција за млади и спорт Дарко Каевски остварија работна средба со спортски работници и претставници на спортски федерации, здруженија и поддржувачи на развојот на спортот. Тие заедно заклучија дека оваа плодна и суштествена дискусија е многу важна за стратешките основи за развојот на спортот во Република Македонија.

На 27 август 2015 г. во рамки на Самитот за Западен Балкан одржан во Виена (Австрија), од страна на премиерите на 6 земји (Македонија, Босна и Херцеговина, Србија, Албанија, Црна Гора и Косово) беше потпишана Заедничка декларација за воспоставување на Регионална канцеларија за соработка во областа на младите, како регионално тело чија задача ќе биде да ја управува и ја координира младинската соработка во регионот, во духот на соработка и помирување на младите од Западен Балкан.

Директорот на Агенцијата за млади и спорт Дарко Каевски ја прими македонската скијачка делегација, која ќе настапи на Зимските Олимписки игри во Пјонгчанг, Јужна Кореја, во период  9 до 25 февруари.

Антонио Ристевски, кој  е најискусен меѓу натпреварувачите, со учество на својата трета Олимпијада, ќе настапи во слалом и велеслалом со обезбедена А олимписка норма, и ќе се обиде да го подобри 29.место освоено на претходните олимписки игри во Сочи.