Печати

АМС со помош за учесниците на Олимиските игри за за глуви и наглуви спортисти (Deaflimpics)

вклучено . Објавено во Соопштенија

Тројца спортисти, стипендисти на АМС во категоријата спортист – спортска надеж се дел четворочлениот национален тим што ќе ја претставува Република Македонија на 22-те Олимписки игри за глуви и наглуви спортисти кои во периодот од 26-јули до 4-ти август ќе се одржат во Софија, Република Бугарија.

Пливачот Андреј Стојановски, натпреварувачите во бадминтон Горазд Анастасов и Гордана Стамтовска се евидентните кандидати кои преку настап во своите спортови ќе ги бранат боите на нашата земја во рамки на овој значаен меѓународен спортски настан. Со нив во Софија ќе патува и атлетичарот Јасин Алими. 

- Ние го следиме досегашниот напредок и достигнувањата на младите глуви и наглуви спортисти и особено сме задоволни од нивниот ентузијазам и упорноста што ја вложуваат на тренинзите и натпреварите - рече директорот на АМС м-р Лазар Поповски во поздравното обраќање на денешната прес -конференција.

Агенцијата инвестира во квартетот репрезентативци но, истовремено, упатува повик до бизнис заедницата преку директна поддршка да се вклучи во олеснувањето на фискалните импликации кои произлегуваат од тренажните процеси што во претсојниот период, во пресрет на спортскиот настан, се со интензивирана динамика и во специфични услови со цел достојно претставување на нашата земја на 5-тото учество во рамки на Deaflympics. Вкупната висина на потребните средства, како што соопштија од Националната федерација на глуви, спортистите и тренерите на Стојановски, Анастасов, Стаматовска и Алими е околу 2 милиони денари, од кои дел ќе бидат обезбедени од АМС.