Facebook профил на Агенцијата за млади и спортYouTube канал на Агенцијата за млади и спорт

Печати

Учество на репрезентативците на Светското првенство во спортско качување

вклучено . Објавено во Соопштенија

На ден 12.09.2012 година (СРЕДА)  нашите македонски репрезентативци во спортско качување Кире Серафимовски и Ване Наунов ќе земат учество на Светското првенство во спортско качување кое ќе се одржи во Париз.  За сите подетални информации можете да се информирате од интернет сајтот   http://www.worldclimbing2012.com/en   покрај тоа првенството  може да се проследи во живо на интернет сајтот http://www.ifsc.tv/

Печати

Интервју со Насе Насев, носител на државната награда "8 Септември" за животно дело

вклучено . Објавено во Соопштенија

Првиот добитник на државната спортска награда 8-ми Септември за животно дело, Насе Насев, вели дека за да се постигне успех треба да се работи 24/7 и во никој случај не треба да се заборават поразите, бидејќи од нив секогаш излегуваат најдобрите лекции

Кажете ни за вашите почетоци, зошто го одбравте токму борењето?

Насев Мојата спортска кариера најпрво ја започнав како гимнастичар во ДТВ Партизан, а потоа играв и фудбал во ФК Осогово. Во 1960 година во Кочани се отвори боречка секција, решив да се пробам и овој спорт и од она што може да се види и денеска во него целосно се пронајдов и останав. Целосно навлегов во борењето, постигнувањето на позитивни резултати ги сметав за предизвик. Морав да се откажам од многу работи, да работам на техниките и како натпреварувач и како тренер, но и како селектор за до дојдам до она ниво на кое сум денеска.

Печати

Дочек на Оливера Наковска Бикова на Аеродром Александар Велики

вклучено . Објавено во Соопштенија

Почитувани

Агенцијата за млади и спорт заедно со Тав Аеродроми ќе организира дочек за златната од Лондон Оливера Наковска Бикова на Аеродромот Александар Велики. Оливера Наковска Бикова пристигнува на Аеродромот Александар Велики на ден 08.09.2012 г. САБОТА во 11.40 часот. Со почит Одделние за односи со јавноста

Печати

Дочек на златната параолимпијка од Лондон, Оливера Наковска Бикова

вклучено . Објавено во Соопштенија

Оливера Наковска-Бикова која освои златен медал на Параолимписките игри во Лондон, денеска беше свечено пречекана на аеродромот „Александар Велики“. Директорот на Агенцијата за млади и спорт Лазар Поповски заедно со министерката за внатрешни работи Гордана Јанкуловска и министерот за труд и социјална политика Спиро Ристовски ја пречекаа и од лично име и од име на македонската јавност и честитаа за големиот успех. Оливера Наковска Бикова се заблагодари на цела Македонија и истакна дека чувството да се освои златен медал е нешто најпосакувано за кое секој спортист сонува. На крај во своето обраќање истакна дека ќе продолжи со уште посилно темпо да настапува на натпреварите, а нејзиниот тренер Бранимир Јовановски додаде дека во најскоро време очекува од Оливера да ја видиме на Олимписките игри.

Печати

Носители на Државна награда "8 Септември"

вклучено . Објавено во Соопштенија

Денес во просториите на Агенцијата за млади и спорт, се одржа прес-конференција, на која јавноста беше информирана за носителите на државната награда “8 Септември”. На прес-конференцијата учество земаа директорот на Агенцијата за млади и спорт м-р Лазар Поповски,  проф. д-р Зоран Радиќ – претседател на Одборот за доделување на државната награда ”8 Септември ”, Сашо Поповски и Горан Милковски - членови на Одборот.

 

Избери живот - избери спорт

Информатички спортски систем

Спортска академија