Facebook профил на Агенцијата за млади и спортYouTube канал на Агенцијата за млади и спорт

Печати

Посета на Агенцијата за млади и спорт од страна на младински работници од Европа

вклучено . Објавено во Соопштенија

Во периодот 18 до 27 септември, во рамките на програмата Млади во Акција, Здружението на граѓани за младински активизам КВАНТУМ од Скопје организира студиска посета на тема "Unemployed vs. employed tour". Посетата опфаќа 24 младински работници од 12 земји во Европа и тоа Македонија, Босна и Херцеговина, Албанија, Србија, Црна Гора, Косово, Хрватска, Италија, Чешка, Романија, Словенија и Холандија.

Печати

МТВ во чекор со врвните спортски ТВ канали

вклучено . Објавено во Соопштенија

Македонската телевизија го следи чекорот на врвните спортски телевизиски канали и утре за првпат во Македонија, но и на Балканот, на националниот сервис ќе можеме да проследиме комбиниран пренос од домашните фудбалски натпревари по теркот на бројни европски телевизии како Скај Спорт, кои комбинирано ги пренесуваат натпреварите од домашните шампионати.

Печати

Интервју со Ванѓел Симев, универзитетски професор и член на Комисијата за подготовка на Националната стратегија за спорт

вклучено . Објавено во Соопштенија

Симев: Здравите навики се учат на предучилишна возраст

Имаме училишни лиги кои се на ниско ниво. Битно е секое одделени да има свој клуб, тие да се натпреваруваат со другите одделенија и на крај да се направи еден тим кој ќе биде на училиштето, за да може секое дете да почувства што е тоа натпревар. Од сите да се изберат најдобрите. Важно е децата меѓусебе да се натпреваруваат-вели Ванѓел Симев, универзитетски професор

Како треба да се постапува со децата од предучилишна возраст. Што е она што недостига за да ги вклучиме децата во спортските активности?

Симев: Со децата треба да се работи уште кога тие се мали. Од 5 до 8 годишна возраст е периодот кога тие создаваат навики, работни навики преку кои подоцна си го олеснуваат животот. Во овој период децата имаат одлична мускулатура, еластични се лесно учат вежби, сакаат да имитираат и што е најбитно немаат страв. Ова е идеалниот период кога детето треба да почне да се занимава со спорт. Бидејќи на лесен начин ќе научи да создава работни навики. Сама по себе ќе дојде и дисциплината и ќе живее здрав начин на живот. Во денешно време ние се соочуваме со проблем што родителите немаат време за своите деца. Тие кога ќе се вратат од работа сакаат да се “ослободат” од своите деца и ги ставаат пред комјутер пуштајќи им игри кои не се за нивна возраст. Со тоа децата створаат еден лажен свет во кој се им е дозволено. Сетете се само колку случаи на убиства има низ целиот свет извршени од деца кои мислат дека тоа им е дозволено. Децата лесно впиваат се што ќе видат. Тие дома играат игри со убивање и мислат дека е нормално да се убива.

 

Печати

Меѓународен параглајдинг натпревар ГОСТИВАР ОПЕН 21-23 СЕПТЕМВРИ

вклучено . Објавено во Соопштенија

На меѓународниот натпревар учествуваа 50 тина натпреварувачи од АЛБАНИЈА, МАКЕДОНИЈА и КОСОВО. Повторно голем успех на членовите на ,,Параглајдинг клуб– Делта. 1-место БОРЈАН ЈОВАНОСКИ 2-место МИЛЕ ЈОВАНОСКИ 3-место КРИСТИЈАН ТЕМЕЛКОСКИ И без присуството на најдобриот македонски параглајдерист член на Параглајдинг клуб Делта Прилеп Мартин Јованоски, освоени се 1-првото и 2-второто место на овој меѓународен параглајдерски натпревар. Седумнаесетгодишниот Борјан Јованоски (стипендист на Агенцијата за млади и спорт) докажа дека Македонија има иднина во дисциплината прецизно слетуване и дека државата треба да вложи во овој спорт затоа што може да ни донесе многу успех во иднина во овој спорт. ПАРАГЛАЈДИНГ КЛУБ- ДЕЛТА - ПРИЛЕП

Печати

ЈАВЕН ПОВИК ЗА ОРГАНИЗИРАЊЕ НА ВОЛОНТЕРСКА РАБОТА

вклучено . Објавено во Соопштенија


Врз основа на Законот за волонтерство (Сл. Весник на РМ бр. 85/07 и 161/08) Програмата за волонтирање со арх.бр. 03-1291/1 од 20.06.2012 година , донесена од Агенцијата за млади и спорт , Агенцијата има потреба од ангажирање на волонтери


ЈАВЕН ПОВИК
ЗА ОРГАНИЗИРАЊЕ НА ВОЛОНТЕРСКА РАБОТА

Се повикуваат сите заинтересирани кандидати , да се пријават на јавниот повик врз основа на кој се организира волонтерска работа во Агенцијата за млади и спорт , и тоа:


- 5(пет) волонтери со завршен факултет од областа на општествените науки, предност ќе се смета искуство во реализирање на младински и спортски проекти

Волонтерската работа ќе биде во времетраење од 3( три ) месеци .

Сите заинтересирани кандидати покрај апликацијата треба да достават:
- Мотивационо писмо ( во кое ќе се наведат причините и мотивите за волонтирање)
- Кратка биографија ( со податоци за контакт)
- Доказ за завршено образование

Потребните документи треба да бидат доставени на следната адреса:

АГЕНЦИЈА ЗА МЛАДИ И СПОРТ
Ул. Франклин Рузвелт бр 34, Скопје
Со назнака ,, за јавен повик за ангажирање на волонтери,,

Рокот за доставување на документите е 5 (пет ) работни дена од денот на објавување на повикот.
Изборот ќе се изврши во рок од 5 (пет) работни дена . По завршувањето на постапката за избор на кандидати за волонтирање, избраните кандидати ќе бидат повикани за вршење на волонтерска работа.


Агенција за млади и спорт

Избери живот - избери спорт

Информатички спортски систем

Спортска академија