Агенцијата за млади и спорт продолжува со имплементацијата на Проектот...
По повод отпочнувањето на процесот за креирање на Законот за млади, вчера...
Агенцијата за млади и спорт за прв пат аплицираше за проект во Европската...
Денеска, директорот на Агенцијата за млади и спорт, Дарко Каевски оствари...
Слободан Ивчевски уште на десет годишна возраст појавува голем интерес кон моторите и во 1993 година дебитира на мотокрос трката од Шампионатот на Македонија – Скопје и го освојува 5. место со што покажува голем талент. Оттогаш Ивчески е редовен натпреварувач на домашните и меѓународните првенства во различните мото дисциплини.
Агенцијата за млади и спорт го објави Конкурсот за доделување средства на субјекти кои реализираат програми од јавен интерес во областа на спортот. Конкурсот трае од 15.11.2017 година до 16.30 часот.
На Конкурсот учество може да земат субјектите кои ги исполнуваат условите, односно Националните спортски федерации.
Сите заинтересирани страни кои ги исполнуваат критериумите може да ги достават апликациите на адресата на Агенцијата за млади и спорт
ул: „Македонија“, бр.38 (Палата „Панко Брашнаров“) 1000 Скопје со назнака : ЗА „КОНКУРС 2017 “
Подетално за Конкурсот можете да се информирате со негово симнување (СИМНИ ГО КОНКУРСОТ)
Карате репрезентацијата на Македонија која настапи на Светското првенство за кадети, јуниори и помлади сениори у21 кое се одржуваше во Тенерифе, Шпанија беше на прием во Агенцијата за млади и спорт.
Директорот на агенцијата Дарко Каевски во своето обраќање посочи дека со освојувањето на две петти места и неколку пласмани во 4 - то коло на едно големо натпреварување како што е Светското првенство, оваа генерација македонски каратисти докажа дека пред неа е светла иднина.
Денес,Агенцијата за млади и спорт организираше прием за боречките надежи кои се вратија од од Балканското првенство во борење во Турција.
Директор на Агенцијата за млади и спорт, Дарко Каевски им честиташе на репрезентативците во борење и додаде дека АМС целосно ќе ги поддржува настапите на македонските претставници во борење на сите меѓународни настапи од причина што борењето мора да се врати на патеките од минатото кога овој спорт беше еден од најтрофејните во Македонија.
Агенцијата за млади и спорт објавува Конкурс за изложбата Young art 2017 на која Агенцијата ги повикува сите млади визуелни уметници и групи да поднесат свои авторски дела, согласно со утврдените критериуми, кои ги содржат следниве точки:
1. Авторите да се на возраст од 15 до 29 години
2. Доставените дела да се од следниве дисциплини:
- Сликарство (со димензии не поголеми од 200х200 см)
- Скулптура (со димензии не поголеми од 200х200x200 см)
- Графика (со димензии не поголеми 100х70)
- Графички дизајн (плакат)
- Фотографија (со димензии не поголеми од 100х70 см)
3. Делата треба да кореспондираат со современите ликовни практики, а тематските и идејните содржини се отворени и се поврзани со рецентното индивидуално творештво на авторите од последните две години. Делата треба да имаат изразен индивидуален, ликовен и креативни ракопис.
Агенцијата за млади и спорт ги охрабрува сите млади автори и групи на возраст од 15 до 29 години, да достават свое дело на конкурсот. Секој кандидат учествува со по едно дело. Изложбата е селективна, а жирито ќе додели по една награда за уметнички достигнувања за петте дисциплини, во износ од 40,000 денари.
Прочитај го целиот КОНКУРС (Симни овде)
Денеска се одржа редовната месечна средба помеѓу директорот на Агенцијата за млади и спорт, Дарко Каевски и претставниците на Националниот младински совет на Македонија. На средбата се разговараше за Првиот отворен повик за аплицирање на Регионалната канцеларија за младинска соработка (RYCO) кој е наменет за проекти на средните училишта и граѓанските организации.
Овој петок е планирана и Инфо сесија во Скопје (во просториите на Агенцијата за млади и спорт) на која младите и сите засегнати страни ќе се запознаат со работата на Локалната канцеларија за младинска соработка во Скопје и со условите за аплицирање на Првиот повик.
Една од најтрофејните спортски манифестации во Македонија, Златен Гонг, оваа година ќе се одржи по 47-ми пат. Вип Арената при СЦБТ, мала сала од 9-11 ноември 2017 (петок и сабота ), ќе ги собере боксерите од Македонија и уште 6 други држави,согласно доставената програма. Натпреварите ќе започнат со полуфиналните борби во петок со почеток од 16:00 до 19:00 часот додека свеченото отварањето на настанот ќе се одржи во петок од 17:30 часот. Во сабота е предвидено да се одржат финалните борби со почеток од 11:00 часот, а доделувањето на наградите и признанијата е предвидено со почеток од 14:00 часот. За учество на гонгот се пријавени околу 40 боксери.
Македонскиот каратист Дејан Недев освои злато и стана светски шампион во кати на 7. Светски фудокан карате-до, шампионат кој од 3 до 5 овој месец се одржа во Клуж, Романија.Матеј Ангеловски го освои сребрениот медал во фукуго за сениори.
Директорот на Агенцијата за млади и спорт, Дарко Каевски донесе Одлука за поништување на одлуката за избор на младинскиот претставник во Управниот одбор на Регионалната канцеларија за младинска соработка за Западен Балкан, Бојана Наумовска.
Имено, досегашниот младински претставник во Управниот одбор на Регионалната канцеларија за младинска соработка не ги претставуваше интересите на целокупниот граѓански сектор кои се занимава со младински прашања и младински политики во Република Македонија.
Директорот на Агенцијата за млади и спорт, Дарко Каевски присуствуваше на консултативна средба во организација на Клубот за младински прашања и политики при Собранието на Република Македонија и Националниот Демократски Институт.
На средбата се разговараше за младинското учество, образованието, младинската работа и вработувањето за млади.
Агенцијата за млади и спорт објавува Конкурс за Млади поети, на кој ги повикува сите млади да поднесат свои авторски творби, согласно со утврдените критериуми, кои ги содржат следниве точки:
1. Да се на возраст од 15 до 29 години
2. Да немаат објавено збирки на поезија.
3. Да достават најмногу две поетски творби.
Конкурсот за Млади поети се реализира по четврти пат, а има за цел да ги поддржи и потикне младите креативци.
На конкурсот ќе бидат доделени три награди за најдобра итворба и тоа за прва награда се предвидени 20.000 денари, за втора награда 15.000 денари, а трета награда 10.000 денари.
Прочитај го целиот КОНКУРС (Симни овде)
Во периодот од 11 до 14 октомври оваа година во Москва, Руска Федерација, владина делегација на Македонија претставена преку Агенцијата за млади и спорт зема учество на Меѓународниот Министерски Самит за Младинска Политика. Делегацијата е предводена од Гордана Цекова - раководител на Сектор млади, Тане Димовски - раководител на Одделение за односи со јавноста и Александра Дичевска - советник за меѓународна соработка.
