Во насока на подобрување на можностите за развој на младите спортисти како темел за иден развој на македонскиот спорт, Агенцијата за млади и спорт, започнувајќи од 2008 година, доделува стипендија СПОРТСКА НАДЕЖ.

Стипендијата Спортска надеж претставува паричен надоместок која талентираните спортисти ја добиваат во текот на 10 месеци во годината во вредност од 20% од просечната плата исплатена во претходната година (4200 денари месечно).

На денешната седница на Советот за спорт при Агенцијата за млади и спорт на Република Македонија, покрај останатите точки кои ги третираат тековните активности на Советот поврзани со работата на Националното координативно тело за спречување на насилството на спортските терени, Комисијата за борба против допингот во спортот и активностите кои произлегуваат од Законот за спортот, а се однесуваат на регистрацијата на спортските клубови кои се натпреваруваат во највисокиот степен на натпревари во сениорска конкуренција во кој се организира сениорски систем на натпревари во повеќе степени во фудбал, кошарка и ракомет, се разгледуваа и пристигнатите апликации на националните спортски федерации за категоријата спортист – Спортска надеж. Со тоа, Агенцијата за млади и спорт со задоволство објавува дека дека со ова се апсолвира прашањето за добивање на оваа категорија (500 стипендии) на младите талентирани спортисти од нашата земја за 2012-та година. Листата на категоризираните спортисти ќе биде објавена во еден од наредните броеви на Службен весник на Република Македонија. 

По повод детската недела, како и светските денови на насмевката и на учителите, Агенцијата за млади и спорт, заедно со 92 првачиња од основното училиште Јохан Хајнрих Песталоци и фудбалерите на ФК Вардар, како и кошаркарите на КК Работнички денеска во 10 часот ја посетија скопската Зоолошка градина.

Агенцијата за млади и спорт најостро ги осудува инциденти предизвикани на натпреварот од Првата фудбалска лига на Македонија помеѓу ФК Вардар и ФК Пелистер.

Уништувањето и демолирањето на фудбалската арена “Филип II Македонски”(градена со средства од сите граѓани на Република Македонија) од страна на навивачите нанесува само недоместлива штета на фудбалот и спортот во Република Македонија.

Денеска, во 12 часот, директорот на Агенцијата за млади и спорт, м-р Лазар Поповски, заедно со Заменик директорот на Фондот за пензиско и инвалидско осигурување на Македонија,  г-ѓа Марија Којзеклиска, како и претставници на Шаховската федерација на Македонија го посетија пензионерскиот дом Аеродром.

Возрасните граѓани добија донација од шест табли, шест шахови, четири домина, како и четири шпила на карти.

За време на посетата пензионерите, заедно со младите одиграа неколку партии шах со директорот Поповски.

Почитувани ракометари на РК МЕТАЛУРГ,

Агенцијата за млади и спорт Ви ја честита победата против РК Шамбери од новата сезона на Лигата на шампионите.

Воедно Ви посакуваме овој победнички старт на почетокот на новата сезона, да Ве следи до крајот на сезоната и да Ви донесе освојување шампионска титула во Лигата на шампионите. 

Ви посакуваме од срце.

Граѓаните на Скопје денеска добија уште една локација за спортување и рекреирање. 

Инвеститор на проектот е Градот Скопје, а за реконструкцијата на патеката од буџетот се издвоени околу 3 милиони денари.Изведувачи се екипи на ЈП „Улици и патишта“ и ЈП „Паркови и зеленило“, а сите стручни содржини напишани на информативните табли се во координација со Факултетот за физичка култура на Република Македонија, а поддршка даде и Агенцијата за млади и спорт.

Националното координативно тело за спречување на насилството на спортските терени денес одржа седница на која заседаваше за последните спортски инциденти и за превземањето идни активности за спречување на спортските инциденти. Работата на телото започна со осуда за последните инциденти од натпреварот помеѓу ФК Вардар и ФК Пелистер.

Тимот за кој навиваш се бодри и љуби и кога се победува и кога се губи

Го осудуваме чинот на насилство кој се случи на Арената Филип Втори. Со ФК Пелистер ќе се видиме уште двапати, на гостински и домашен терен, во четвртфиналето, а тогаш треба да покажеме и двете страни дека сме цивилизирани и дека знаеме да навиваме, без кавги и тепачки. Никогаш не треба да бараме виновници кој почнал прв, да бидеме јасни фудбалот се игра на терен, а не надвор од него велат Стјепановиќ и Илиевски

На Првиот македонски турнир во граплинг ( борба во брзилска џиу џица без кимоно ) под водство на моќната федрација за граплинг ADCC со седиште во Абу Даби, нашите клубови и членови извојуваа победи и ги освоиа постигнаа следниве резултати:

- 3 златни медали - Владимир Величков, Ариан Јусуфи и Муахмед Чевахир;

- 4 сребрени медали - Бојан Диков,Александар Заткоски, Менче Стојаноска и Мики Смиљковиќ;

- 2 бронзени медали - Никола Стефановски и Јанев Ристо.

Сите освојувачи се членови на нашиот клуб за бразилска џиу џица "Д Стронгест - РООТС БЏЏ Македонија".

Убедливо за најуспешен тим беше прогласен тимот на "Д Стронгест - РООТС БЏЏ Македонија" со 29 поени, на второ место беше клубот од Бугарија "Були Тим" со 14 поени, а на трето место беше тимот од Гостивар со 6 поени.

Почитувани кошаркари на КК МЗТ Скопје,

Дозволете од името на Агенцијата за млади и спорт да Ви го честитаме успешниот старт во Јадранската лига.

Со првиот настап на македонски тим на ова големо натпреварување, уште еднаш се потврди јачината на македонската кошарка и македонскиот спорт.

Со победата против Цибона, покажавте како се игра со срце на терен.

Оваа победа против големата Цибона нека претставува почеток на новите победи во Јадранската лига.

Ви посакуваме од срце.

Агенцијата за млади и спорт во координација со Фудбалската федерација на Македонија и Федерацијата за училишен спорт на Македонија ќе организира групно носење ученици спортисти на натпреварите од Првата фудбалска лига на Македонија. 

Воедно за учениците спортисти ќе бидат обезбедени маички
 и ќе биде обезбеден бесплатен влез на натпреварите. Со ова се обезбедува можност спортистите ученици во живо да ги проследат фудбалските натпревари и да бидат поблиску до своите спортски идоли од Првата фудбалска лига.