На 26 ноември 2012 година, започна реализацијата на проектот Пороците кај младата популација како алкохолот и дрогата на територијата на општина Аеродром, во соработка со Клиниката за токсикологија, експерт по едукација на млади за превенција од употреба на дроги и алкохол и познати спортисти. Основното училиште Блаже Конески е првото училиште во кое беше одржана едукативна работилнинца заедно со учениците од 6-то одделение, кои внимателно и заинтересирано учествуваа во работилницата.

Директорот на Агенцијата за млади и спорт, м-р Лазар Поповски, заменик-претседателот на Владата на Република Македонија, Муса Џафери, министерот за животна средина и просторно планирање, Абдулаќим Адеми ректорот на Државниот универзитет во Тетово, Вулнет Амети како и заменик-директорот на Агенцијата за млади и спорт, Февзи Мани, денеска (24.11.2012), во Тетово, го поставија камен-темелникот за изградба на нова спортска сала Младост за потребите на Државниот Универзитет во Тетово.

Агенцијата за млади и спорт, ја поддржа и десеттата акција Ден на дрвото- Засади ја својата иднина, која се одвива под мотото Спортски е да се сади. На неколку локации, претставници од Агенцијата за млади и спорт заедно со нашите најпознати спортисти се приклучија на акцијата по повод Ден на дрвото.

Директорот на Агенцијата за млади и спорт Лазар Поповски на отворената седница на Владата најави изградба на мала спортска сала во рамките на Државното училиште за физичка култура - Методи Митевски Брицо во Скопје, спортска сала на Универзитетот „Свети Кирил и Методиј“, како и мал базен во Крушево и базен во Охрид.  

Поповски информираше дека потребата за спортската сала во средното фискултурно училиште произлегува пред се од проектот „Спортска академија“ која стартуваше од септември оваа година. Во петте паралелки има 105 ученици.

Во делот на подобрување на можностите за младите спортисти како темел за иден развој на македонскиот спорт, Агенцијата за млади и спорт со задоволство објавува дека на предлог на националните спортски федерации ги верификува новите носители- млади спортисти до 20 години кои се стекнуваат со стипендијата “Спортска надеж”.

Стипендијата “Спортска Надеж” претставува паричен надоместок која талентираните спортисти ја добиваат во текот на 10 месеци во годината во вредност од 20% од просечната плата исплатена во претходната година (4200 денари месечно).

Денеска во 12 часот и 30 минути, директорот на Агенцијата за млади и спорт, м-р Лазар Поповски, заедно со градоначалникот на општината Центар Владимир Тодоровиќ, како и претставниците од Ден на дрвото, во основното училиште Коле Неделковски ги засадија првите промотивни дрвца од овогодинешната десетта акција која ќе се огранизира под мотото Спортски е да се сади.

Кик Боксинг репрезентацијата на Македонија од 27.11.2012 до 2.12.2012 год. ќе земе учество на вториот дел од Европското првенство во кик бокс кое се одржува во градот Букурешт –Романија. Европското првенство ќе се одвива во семи контакт , дисциплина која го смени името и сега се вика ПОИНТ ФАЈТ , кик лајт и фул контакт дисциплините од кик бокс спортот. 

Директорот на Агенцијата за млади и спорт, м-р Лазар Поповски, денеска во 12 часот и 30 минути го посети Домот за деца без родители 25-ти Мај. Целта на посетата беше продолжување на хуманитарната акција за донација на спортска опрема во јавните установи за згрижување и рехабилитација на деца.

Денеска, 20.11. 2012 година, (вторник) директорот на Агенцијата за млади и спорт м-р Лазар Поповски заедно со вработените од секторот млади, донираа спортска опрема, спортски реквизити и социјални игри за потребите на ЈУ Завод за згрижување, воспитување и образование на деца и млади „ Ранка Милановиќ “- Скопје.

Денес дипломатскиот кор поддржан од директорот на Агенцијата за млади и спорт м-р Лазар Поповски, министерот за надворешни работи Никола Попоски. градоначалникот на Општина Илинден Жика Стојановски и спортистот Вели Мунин симболично засадија садници на Мршевски рид, со што симболично ја означија есенската акција за пошумување. Акцијата ќе трае и во наредниве денови, додека на 21 ноември - официјално ќе се одржи "Денот на Дрвото" низ цела држава, кој е прогласен за неработен ден.

Врз основа на Законот за волонтерство (Сл. Весник на РМ бр. 85/07 и 161/08) Програмата за волонтирање со арх.бр. 03-1291/1 од 20.06.2012 година , донесена од Агенцијата за млади и спорт , Агенцијата има потреба од ангажирање на волонтери

ЈАВЕН ПОВИК
ЗА ОРГАНИЗИРАЊЕ НА ВОЛОНТЕРСКА РАБОТА

Се повикуваат сите заинтересирани кандидати , да се пријават на јавниот повик врз основа на кој се организира волонтерска работа во Агенцијата за млади и спорт , и тоа:

- 2(двајца ) волонтери со завршен правен факултет
- 2(двајца ) волонтери со завршен Градежен Факултет
- 2(двајца ) волонтери со завршен Архитектонски факултет

Волонтерската работа ќе биде во времетраење од 3( три ) месеци .

Спортската академија е одличен проект кој дава можност многу деца кои сакаат професионално да се занимаваат со спорт да бидат насочени кон вистинскиот правец - вели Стојановски

КК  МЗТ СКОПЈЕ имаше успешен старт во Јадранската лига. Какви се Вашите очекувања за следните настапи?

Стојановски:Да точно е, имавме одличен старт. Започнавме со победа над Цибона во Загреб, како и Широки во Скопје, а потоа следуваа и четири порази од Будучност, Раднички, Сплит и Црвена Звезда. Но со последните победи против Олимпија и Цедевита се вративме на победничките патеки.  Се надевам дека ќе имаме уште победи во Јадранската лига во следните натпревари. Ние на секој натпревар одиме на победа, а како тој ќе заврши останува да видиме.