Веќе еден месец во средното фискултурно училиште успешно функционираат четирите специјализирани паралелки (академии) за фудбал, ракомет, кошарка и за тенис

Триесетина се. Имаат по 14 и 15 години. Испотени се, но неуморно трчаат во салата. Прават и вежби. Погледите им се вперени во тренерот. Тој, пак, е доста строг. Им кажува што да работат и тие слушаат. Никој не забошотува. Се потат, но не се даваат. На некои од нив веќе почнала да им се развива мускулатурата, а други, пак, се слабички. Но сите тие тренираат ракомет затоа што сакаат. Сите имаат еден сон - еден ден да играат во македонска репрезентација.

Овие ученици се најдоброто од Македонија. Сите се дел од ракометната спортска академија, која веќе еден месец функционира во средното фискултурно училиште. Освен академијата (паралелката) за ракомет, има и академија за тенис, за фудбал и за кошарка. За да стигнат меѓу најдобрите, морале да исполнат строги критериуми и да поминат на повеќе селекции. Уште од 1 септември сите деца што се од внатрешноста, бесплатно се сместени и се хранат во ученичкиот дом „Здравко Цветковски“. 

Во периодот 18 до 27 септември, во рамките на програмата Млади во Акција, Здружението на граѓани за младински активизам КВАНТУМ од Скопје организира студиска посета на тема "Unemployed vs. employed tour". Посетата опфаќа 24 младински работници од 12 земји во Европа и тоа Македонија, Босна и Херцеговина, Албанија, Србија, Црна Гора, Косово, Хрватска, Италија, Чешка, Романија, Словенија и Холандија.

На меѓународниот натпревар учествуваа 50 тина натпреварувачи од АЛБАНИЈА, МАКЕДОНИЈА и КОСОВО. Повторно голем успех на членовите на ,,Параглајдинг клуб– Делта. 1-место БОРЈАН ЈОВАНОСКИ 2-место МИЛЕ ЈОВАНОСКИ 3-место КРИСТИЈАН ТЕМЕЛКОСКИ И без присуството на најдобриот македонски параглајдерист член на Параглајдинг клуб Делта Прилеп Мартин Јованоски, освоени се 1-првото и 2-второто место на овој меѓународен параглајдерски натпревар. Седумнаесетгодишниот Борјан Јованоски (стипендист на Агенцијата за млади и спорт) докажа дека Македонија има иднина во дисциплината прецизно слетуване и дека државата треба да вложи во овој спорт затоа што може да ни донесе многу успех во иднина во овој спорт. ПАРАГЛАЈДИНГ КЛУБ- ДЕЛТА - ПРИЛЕП

Врз основа на Законот за волонтерство (Сл. Весник на РМ бр. 85/07 и 161/08) Програмата за волонтирање со арх.бр. 03-1291/1 од 20.06.2012 година , донесена од Агенцијата за млади и спорт , Агенцијата има потреба од ангажирање на волонтери

ЈАВЕН ПОВИК
ЗА ОРГАНИЗИРАЊЕ НА ВОЛОНТЕРСКА РАБОТА

Се повикуваат сите заинтересирани кандидати , да се пријават на јавниот повик врз основа на кој се организира волонтерска работа во Агенцијата за млади и спорт , и тоа:

- 5(пет) волонтери со завршен факултет од областа на општествените науки, предност ќе се смета искуство во реализирање на младински и спортски проекти

Волонтерската работа ќе биде во времетраење од 3( три ) месеци .

Сите заинтересирани кандидати покрај апликацијата треба да достават:
- Мотивационо писмо ( во кое ќе се наведат причините и мотивите за волонтирање)
- Кратка биографија ( со податоци за контакт)
- Доказ за завршено образование

Потребните документи треба да бидат доставени на следната адреса:

АГЕНЦИЈА ЗА МЛАДИ И СПОРТ
Ул. Франклин Рузвелт бр 34, Скопје
Со назнака ,, за јавен повик за ангажирање на волонтери,,

Рокот за доставување на документите е 5 (пет ) работни дена од денот на објавување на повикот.
Изборот ќе се изврши во рок од 5 (пет) работни дена . По завршувањето на постапката за избор на кандидати за волонтирање, избраните кандидати ќе бидат повикани за вршење на волонтерска работа.

Агенција за млади и спорт

Интервју со Благоја Милевски-Боби, тренер на Фудбалскиот клуб Вардар

Милевски: Веќе се чуствуваат придобивките од трансформацијата на ФК Вардар во АД

Потребно е клубовите да се трансформираат во Акционерски друштва бидејќи на тој начин за спортистите ќе се плаќа здравствено осигурување, но и ќе им тече работен стаж. Според мене, професионалните спортисти треба да имаат бенефициран стаж бидејќи нивната кариера завршува на најмногу 38 години-вели Милевски

Војновиќ: Трансформацијата на спортските клубови во АД е вистински потег на АМС

Камо јас кога играв да беше донесен Законот за спорт кој е вистински чекор за професионализација на врвниот спорт. Во денешно време познавам многу спортисти, поготово кошаркари, кои играле по 20 години, сега имаат по 40 години, а немаат еден ден работен стаж- вели Војновиќ

Бошковски-Чоко: Победничка селекција не се прави преку ноќ

Спортската академија е одличен проект, кој требаше да ни се случи многу порано. Се надевам и верувам во академијата, како и луѓето кои ја водат, дека ќе се изборат пред сите предизвици и за четири години ќе добиеме една здрава младинска репрезентација- вели Бошковски-Чоко

Македонската телевизија го следи чекорот на врвните спортски телевизиски канали и утре за првпат во Македонија, но и на Балканот, на националниот сервис ќе можеме да проследиме комбиниран пренос од домашните фудбалски натпревари по теркот на бројни европски телевизии како Скај Спорт, кои комбинирано ги пренесуваат натпреварите од домашните шампионати.

Симев: Здравите навики се учат на предучилишна возраст

Имаме училишни лиги кои се на ниско ниво. Битно е секое одделени да има свој клуб, тие да се натпреваруваат со другите одделенија и на крај да се направи еден тим кој ќе биде на училиштето, за да може секое дете да почувства што е тоа натпревар. Од сите да се изберат најдобрите. Важно е децата меѓусебе да се натпреваруваат-вели Ванѓел Симев, универзитетски професор

Како треба да се постапува со децата од предучилишна возраст. Што е она што недостига за да ги вклучиме децата во спортските активности?

Симев: Со децата треба да се работи уште кога тие се мали. Од 5 до 8 годишна возраст е периодот кога тие создаваат навики, работни навики преку кои подоцна си го олеснуваат животот. Во овој период децата имаат одлична мускулатура, еластични се лесно учат вежби, сакаат да имитираат и што е најбитно немаат страв. Ова е идеалниот период кога детето треба да почне да се занимава со спорт. Бидејќи на лесен начин ќе научи да создава работни навики. Сама по себе ќе дојде и дисциплината и ќе живее здрав начин на живот. Во денешно време ние се соочуваме со проблем што родителите немаат време за своите деца. Тие кога ќе се вратат од работа сакаат да се “ослободат” од своите деца и ги ставаат пред комјутер пуштајќи им игри кои не се за нивна возраст. Со тоа децата створаат еден лажен свет во кој се им е дозволено. Сетете се само колку случаи на убиства има низ целиот свет извршени од деца кои мислат дека тоа им е дозволено. Децата лесно впиваат се што ќе видат. Тие дома играат игри со убивање и мислат дека е нормално да се убива.

Советот на општина Струмица на денешната редовна седница, меѓу другото, донесе Олука со која ги презема основачките права на акционерското друштво за спортска дејност Кошаркарски клуб “Струмица”. Тоа значи дека уште еден кошаркарски клуб во Македонија е трансформиран во акционерско друштво, односно онака како што налага законот. Сепак, во моментов не е познато колку кошаркарски суперлигаши го имаат исполнето овој услов и дали ќе ги има во доволен број за да се одржи лигата. Кошаркарската сезона обично започнува околу средината на октомври, но се уште не е познат календарот ниту официјалниот термин кога ќе биде стартот. Прво, потребно е да се види дали има доволен број на екипи регистрирани како АД. Во пракса, досега како сопственици интерес покажаа само општините, додека вистински приватни инвеститори реално нема во кошарката и во спортот воопшто.

Филмот „Трето полувреме“ е приказна за неколку луѓе собрани околу најважната работа во светот - фудбалот, во најтурбулентното време во историјата на светот - Втората светска војна. Тоа е приказна за играчите на ФК Македонија и нивниот Германско-Еврејски тренер Рудолф Шпиц, кој ги води низ патот кон титулата шампион на Нацистичката фудбалска лига. Ова е приказна за основачот на клубот Димитрија, кој треба да избере меѓу својата љубов кон неговиот тим и неговата лојалност кон Новиот Поредок. Ова е приказна за неговиот најдобар напаѓач Коста, познат шверцер кој се вљубува со една убава богата девојка. Ова е приказната за Ребека, Еврејска принцеза на зрно грашок, која прифаќа со неа, во нејзината мала соба, да живее фудбалер (со тоа се измолкнува од горчливата судбина на нејзиниот народ). И најпосле - ова е приказна за фудбалот, игра што во тие страшни времиња е повеќе од игра: тој е бојно поле помеѓу Доброто и Злото!

Линк за трејлерот ТРЕТО ПОЛУВРЕМЕ

http://www.youtube.com/watch?v=6NtSwkcN5dM

Неделковска Агенцијата за млади и спорт дава стипендии, спортистите треба да и враќаат со медали

Александра Неделковска, претседател на Македонската кик-бокс федерација е единствената жена која го доби државното признание 8-ми Септември. Таа вели дека горда што заедно со својот сопруг го донеле кик-боксот во Македонија бидејќи овој спорт сега е еден од најатрактивните во светот