Премиерот Никола Груевски во друштво на директорот на Агенцијата за млади и спорт Лазар Поповски и на хрватската фудбалска легенда Давор Шукер ја посетија Академијата за спортисти во Првата спортска гимназија. Во средното фискултурно училиште „Медотија Митевски-Брицо“ премиерот на Република Македонија и претседателот на Хрватскиот фудбалски сојуз се дружеа со членовите на првата спортска академија.

Со проектот на Владата на Република Македонија изградба на 100 тениски игралиша и со формирањето на Спортската академија, во која покрај фудбалот, кошарката и ракометот, партиципира и тенисот, за неколку години нашата држава треба да добие големо тениско име.Вака барем се надеваат сите оние кои се дел од академијата за тенис, пред се директорот на Агенцијата за млади и спорт, потоа тренерите, а се разбира првата генерација на деца кои се дел од оваа академија.

Македонскиот параолимписки тим во состав: Оливера Наковска-Бикова, и Ванчо Каранфилов (стрелци), Драган Дојчиноски-шеф на мисија и Бранимир Јовановски-тренер учествуваше на Параолимписките игри во Лондон кои се одржаа од 22.08-08.09.2012.

Ова беа најголемите до сега Параолимписки игри на кои учествуваа 4.200 спортисти од 165 држави. Исто така за првпат и Олимписките и Параолимписките игри целосно ги  организираше еден организациски комитет предводен од Себастијан Коу.

Знамето на Република Македонија на отварањето на игрите го носеше Бранимир Јовановски, освојувач на златен медал со светски и параолимписки рекорд од Барцелона 1992 година, додека на церемонијата на затварање на игрите, Викторија Гинис, асистенка на македонскиот параолимписки тим за време на игрите, заради тоа што нашиот тим се врати во Македонија порано од предвиденото за да учествува на големата прослва и одбележување на независноста на Република Македонија на арената Филип II.

Македонските спортисти учествуваа во по три спортски дисциплини и тоа: воздушен пиштол која се стрела на 10 метри растојание, малокалибарски спорт пиштол кој се стрела на 25 метри и малокалибарски пиштол слободен избор која се стрела на 50 метри.

Граѓаните на Скопје денеска добија уште една локација за спортување и рекреирање. 

Инвеститор на проектот е Градот Скопје, а за реконструкцијата на патеката од буџетот се издвоени околу 3 милиони денари.Изведувачи се екипи на ЈП „Улици и патишта“ и ЈП „Паркови и зеленило“, а сите стручни содржини напишани на информативните табли се во координација со Факултетот за физичка култура на Република Македонија, а поддршка даде и Агенцијата за млади и спорт.

Националното координативно тело за спречување на насилството на спортските терени денес одржа седница на која заседаваше за последните спортски инциденти и за превземањето идни активности за спречување на спортските инциденти. Работата на телото започна со осуда за последните инциденти од натпреварот помеѓу ФК Вардар и ФК Пелистер.

Тимот за кој навиваш се бодри и љуби и кога се победува и кога се губи

Го осудуваме чинот на насилство кој се случи на Арената Филип Втори. Со ФК Пелистер ќе се видиме уште двапати, на гостински и домашен терен, во четвртфиналето, а тогаш треба да покажеме и двете страни дека сме цивилизирани и дека знаеме да навиваме, без кавги и тепачки. Никогаш не треба да бараме виновници кој почнал прв, да бидеме јасни фудбалот се игра на терен, а не надвор од него велат Стјепановиќ и Илиевски

Претседaтелот на Владата Никола Груевски заедно со директорот на Агенцијата за млади и спорт Лазар Поповски и градоначалникот на Општина Зелениково Веле Груевски денеска пуштија во употреба тениско игралиште во село Орешани, Општина Зелениково.

Повеќе од 500 ученици од трите основни училишта на територијата на општина Илинден се вклучија во новоформираниот Сојуз на училишен спорт. Целта на Сојузот е да се обединат спортските друштва, да се развие и унапреди училишниот спорт.

Во програмата ќе бидат опфатени неколку спортски дисциплини: атлетика, кошарка, ракомет, одбојка, мал фудбал, голем фудбал, тенис, спортска гимнастика, есенски и пролетен крос.

Во насока на подобрување на можностите за развој на младите спортисти како темел за иден развој на македонскиот спорт, Агенцијата за млади и спорт, започнувајќи од 2008 година, доделува стипендија СПОРТСКА НАДЕЖ.

Стипендијата Спортска надеж претставува паричен надоместок која талентираните спортисти ја добиваат во текот на 10 месеци во годината во вредност од 20% од просечната плата исплатена во претходната година (4200 денари месечно).

На денешната седница на Советот за спорт при Агенцијата за млади и спорт на Република Македонија, покрај останатите точки кои ги третираат тековните активности на Советот поврзани со работата на Националното координативно тело за спречување на насилството на спортските терени, Комисијата за борба против допингот во спортот и активностите кои произлегуваат од Законот за спортот, а се однесуваат на регистрацијата на спортските клубови кои се натпреваруваат во највисокиот степен на натпревари во сениорска конкуренција во кој се организира сениорски систем на натпревари во повеќе степени во фудбал, кошарка и ракомет, се разгледуваа и пристигнатите апликации на националните спортски федерации за категоријата спортист – Спортска надеж. Со тоа, Агенцијата за млади и спорт со задоволство објавува дека дека со ова се апсолвира прашањето за добивање на оваа категорија (500 стипендии) на младите талентирани спортисти од нашата земја за 2012-та година. Листата на категоризираните спортисти ќе биде објавена во еден од наредните броеви на Службен весник на Република Македонија. 

По повод детската недела, како и светските денови на насмевката и на учителите, Агенцијата за млади и спорт, заедно со 92 првачиња од основното училиште Јохан Хајнрих Песталоци и фудбалерите на ФК Вардар, како и кошаркарите на КК Работнички денеска во 10 часот ја посетија скопската Зоолошка градина.

Агенцијата за млади и спорт најостро ги осудува инциденти предизвикани на натпреварот од Првата фудбалска лига на Македонија помеѓу ФК Вардар и ФК Пелистер.

Уништувањето и демолирањето на фудбалската арена “Филип II Македонски”(градена со средства од сите граѓани на Република Македонија) од страна на навивачите нанесува само недоместлива штета на фудбалот и спортот во Република Македонија.