Директорот на Агенцијата за млади и спорт, Марјан Спасески во рамките на работната посета на државата Катар, денеска оствари средба со неговиот колега, катарскиот министер за млади и спорт Салах Бин Ганим Ал Али и договори соработка во областа на младите и спортот и потпишување на Меморандум за разбирање помеѓу двете држави.

Претседателот на Република Македонија Ѓорѓе Иванов и директорот на Агенцијата за млади и спорт Марјан Спасески, кои деновиве се во посета на Катар, денеска имаа средба со ракометарите на која средба им посакаа среќа пред почетокот на Светското првенство.

Македонската репрезентација продолжува со подготовките во Доха. Вчера за првпат македонските ракометари стапнаа во „Лусаил“, арената во која в петок ќе го одиграат првиот натпревар од Мундијалот.

Агенцијата за млади и спорт денеска во НУБ „Св. Климент Охридски“ ја промовираше збирката поезија од проектот „Млади поети“ во која се објавени сите песни кои учествувале на конкурсот.

Директорот на Агенцијата за млади и спорт Марјан Спасески во својот поздравен говор на младите поети им посака успех во пишувањето на поезија и им честита за тоа што се дел од, како што кажа, развојот на македонската поезија и културно творешво.

Повеќе...

Денес, директорот на Агенцијата за млади и спорт Марјан Спасески заедно со овогодинешниот македонски претставник на Евровизија Даниел Кајмакоски ја бодреа македонската репрезентација на натпреварот  во Катар.

Во рамки на конкурсот „Млади поети“ , при средувањето на пристигнатите творби и нивното оценување направена е ненамерна грешка при што во објавената збирка поетската творба со наслов „Зошто“ на авторот Магдалена Стојамановиќ е објавена под името на Александар Давчевски , додека поетската творба „ Што не е во ред со нашата љубов“ доставена од авторот Александар Давчевски е објавена под името на Магдалена Стојмановиќ. Потенцираме дека поетската творба со наслов „Зошто“ е од авторот Магдалена Стојамановиќ додека поетската творба „Што не е во ред со нашата љубов“ е од авторот Александар Давчевски. Агенцијата за млади и спорт упатува извинување до двата автори за сторената ненамерна грешка.

Првиот човек на проектот “Јадрански игри”, Мирослав Кржик денеска беше во посета на Агенцијата за млади и спорт. Со директорот Спасески разговарале за одличниот настап на Македонската екипа на минатогодишното натпреварување од овој познат проект, на кој Македонија за прв пат учествуваше во петтата сезона на “Јадранските игри”.

Автомобилистот Игор Стефановски – Иџе е избран за спортист на Македонија во организација на Агенцијата за млади и спорт. Тој во оваа календарска година успеа да стане европски шампион на ридски патеки.

- Благодарноста за ова признание не можам да ја искажам со зборови. Ова е за мене поголемо и од европската титула затоа што доаѓа од мојата држава, затоа што доаѓа како избор од спортски работници и од новинари и медиуми кои цело време ме поддржуваат. Се надевам дека успехот на интернационалната сцена ќе го повторам и следната година, изјави Стефановски по добивањето на признанието.

Заврши 38-от меѓународен турнир во одбојка “Бранко Хаџи Иљоски – Чајка“. Првото место убедливо го освои екипата од Република Бугарија ОК Марица од Пловдив. Во финалето ја совлада екипата од Република Македонија Јанта Волеј од Скопје. Во малото финале се сретнаа екипите Работнички од Скопје и Шкендија од Тетово каде што Работнички убедливо го совлада противникот Шкендија.

Денес, (19.12.2014 год.) во просториите на Агенцијата за млади и спорт се оддржа прес-конференција по повод одигрувањето на првиот историски меѓународен натпревар на македонската хокеј репрезентација. 

На прес-конференцијата се обратија Директорот Марјан Спасески, претседателот на Хокеј Федерацијата на Македонија Никола Тасев и селекторот на македонската хокеј репрезентација Јуре Внук